Bizia Marten

Bere gertutasuna dela eta, Martek zientzialarien arreta erakarri du aspalditik, baita biologoena ere, eta horregatik balizko bizia Marten ikergai bihurtu da azken hamarkadetan. Gaur egun (2018an) oraindik ez da biziaren arrastorik aurkitu planeta gorrian, nahiz eta bilaketa horretan egin diren saioak oso gutxi izan eta giza-espediziorik oraindik ez burutu.

Egindako ikerketek agerian jartzen dute iragan urrunean ura zegoela planeta gorrian, eta gaur egun ere ura dagoela bere kasko polarretan, izoztuta ^{[1] [2]}. Ikerlari batzuek lur azpian ere ura dagoela defendatzen dute. Edozein kasutan, ura bizitzarako ezinbestekoa izan arren bere presentzia hutsak ez du bizia bermatzen.

1. ↑ Heldmann et al., Jennifer L. (2005eko maiatzaren 7an), «Formation of Martian gullies by the action of liquid water flowing under current Martian environmental conditions», Journal of Geophysical Research 110
2. ↑ Strongest evidence yet for water on Mars The Guardian. David Batty, 2011-08-4an